З 17-га лістапада ў музычных крамах Беларусі можна набыць другі альбом гурта IQ48 з назвай «Героі!» Дыск уключае 12 песень і адзін бонус-трэк. Нешта з гэтага матэрыялу мы ўжо гралі на нашых канцэртах, нешта гралі вельмі рэдка, выключна «эксклюзіўна», нешта ўвогуле не выконвалі ніколі публічна. Ва ўсякім разе, 12-га сьнежня ў менскім клюбе Night Star на прэзэнтацыі нашых «Герояў!» вы зможаце гэтае ўсё пачуць і пабачыць «жыўцом»!

Школа капаэйры Ficag да свайго чатырохгодзьдзя падрыхтавала падарунак усім зацікаўленым культурай Брызыліі — фэстываль бразыльскага кіно «Feel Brazil». У фэсьце прадстаўлена пяць кінастужак — «шчырых, вельмі эмацыйных, дзесьці жорсткіх, а дзесьці сэнтымэнтальных». Адмыслова да фэстывалю арганізатары падрыхтавалі пераклад фільмаў — рускія субтытры.

6 сьнежня (субота) у Тэатры рускага рамансу (вул. Чыгуначная, д. 27, корп. 2) адбудзецца фэерычная прэзэнтацыя літаратурна-мастацкага праекта «Выявы-2008», якая прадставіць адразу некалькі кірункаў разьвіцьця найноўшай беларускай культуры: літаратурны, музычны і візуальны. Вас чакаюць выступленьні маладых паэтаў, якія будуць ня толькі чытаць вершы! Валярына КУСТАВА, Юлія НОВІК, Аксана СПРЫНЧАН, Віка ТРЭНАС пакажуць свае адмысловыя праграмы (вершы+слайды).

29 лістапада ў 19:00 у клюбе «Bronx» адбудзецца доўгачаканы канцэрт гурта «Open Space». Для шырокай менскай публікі музыкі не выступалі амаль 7 месяцаў, але шматлікія дагэтуль узгадваюць гучны дэбют «Open Space» у красавіку. Тады на іх канцэрт пасьпела патрапіць толькі 800 чалавек, і яшчэ столькі ж жадаючых выбудавалася ў чаргу ля ўваходу ў клюб.

Падтрымліваць бярозаўцаў будуць гурты «Спрат» і «Абшар».

Першая штогадовая прэмія беларускага музычнага відэа «Кліп-Марафон-2008» пройдзе 14 сьнежня ў клюбе «Акварыюм» і будзе прымеркаваная да 20-ці годзьдзя выхаду дэбютнага айчыннага музычнага кліпа «Ура!» — 1988 год, гурт «Бонда».

З 26 лістапада па 30-е штодня ў кінатэатры «Цэнтральны» будуць ісьці паказы польскіх кінастужак.

У маршруце выезду: вёскі Семежава і Грозава, горад Слуцак. У Слуцаку адбудзецца экскурсія і паказ дакумэнтальнага фільму «Слуцкі Збройны Чын».

20 лістапада ў малой залі КЗ «Мінск» адбудзецца прэзэнтацыя альбома Тацьцяны Беланогай «Дзьвюхкроп'е».